நம்பிக்கையும் செபமும் உணவிற்கு சுவையூட்டும் உப்பு போன்றவை

0

ஒவ்வொருவரும் தங்களது அன்றாடப் பணியை அர்ப்பணிப்புடனும் நம்பிக்கையுடனும் செய்வதன் வழியாக திருஅவைக்குத் தங்களது பங்களிப்பை வழங்குகின்றார்கள் என்றும், ஏனெனில் நம்பிக்கையும் செபமும் நாம் உண்ணும் உணவுக்கு சுவையைத் தரும் உப்பு போன்றது என்றும் கூறினார் திருத்தந்தை 14-ஆம் லியோ.

மே 24, சனிக்கிழமைக்கிழமை வத்திக்கான் தூய ஆறாம் பவுல் அரங்கத்தில் வத்திக்கான் நகரப் பணியாளர்கள், உரோமன் கூரியா பணியாளர்கள் மற்றும் அவர்களின் குடும்பத்தாரை சந்தித்தபோது இவ்வாறு கூறினார் திருத்தந்தை 14-ஆம் லியோ.

ஒற்றுமை மற்றும் அன்பில் நாம் அனைவரும் ஒத்துழைத்து வாழ வேண்டும் எனில், பணிச்சூழல், அன்றாட சூழ்நிலைகளில், நமது செயல்களில் ஒற்றுமை மற்றும் அன்பை வாழ முயற்சிக்க வேண்டும் என்றும், உடன் பணியாளர்களிடம் ஒன்றிப்பைக் கட்டியெழுப்புபவர்களாக இருக்க வேண்டும் என்றும் வலியுறுத்தினார் திருத்தந்தை.

திருத்தந்தை பிரான்சிஸ் அவர்கள் நமக்குக் கற்றுக்கொடுத்தது போல நகைச்சுவை உணர்வு கொண்டவர்களாக ஒற்றுமையை உருவாக்குபவர்களாக வாழ வேண்டும் என்றும் தவறான புரிதல்களை பொறுமை மற்றும் மனத்தாழ்மையுடனும் கடந்து, மற்றவர்களின் இடத்தில் நம்மை வைத்து, தவறான எண்ணங்களைத் தவிர்த்து வாழ வேண்டும் என்று வலியுறுத்தினார் திருத்தந்தை.

Leave A Reply

Your email address will not be published.