இறை மக்கள் குடும்பமாக இல்லங்களில் அமர்ந்து செபிக்க வேண்டிய இன்றைய செபமாலைக் கருத்துக்கள்
மகிமை நிறை மறையுண்மைகள்.
1. இயேசு உயிர்த்தெழுந்ததைத் தியானித்து,
இன்றைய ஞாயிறு திருப்பலி முதல் வாசகத்தில்,
“ஆபிராம் ஆண்டவர்மீது நம்பிக்கை கொண்டார். அதை ஆண்டவர் அவருக்கு நீதியாகக் கருதினார்.” என வாசித்தோம்.
ஆபிரகாம் போல நாமும் ஆண்டவர் மீது அசைக்க முடியாத நம்பிக்கையை வைத்து எண்ணற்ற ஆசீர்வாதங்களைப் பெற வேண்டி இந்த முதல் 10 மணியை ஒப்புக் கொடுப்போம்.
2. இயேசுவின் விண்ணேற்றத்தினைத் தியானித்து,
இன்றையத் திருப்பலி நற்செய்தி வாசகத்தில்,
““இவரே என் மைந்தர்; நான் தேர்ந்து கொண்டவர் இவரே. இவருக்குச் செவிசாயுங்கள்” என்று ஒரு குரல் ஒலித்தது.” எனக் கண்டோம்.
விண்ணகத் தந்தை நமக்குக் கொடுத்த தலையாய பணி ‘இயேசு கிறிஸ்துவின் வார்த்தைகளுக்கு செவிமடுத்து அதன்படி நடத்தலே ஆகும்’ என்பதை அனைவரும் உணர வேண்டி இந்த இரண்டாவது 10 மணியை ஒப்புக் கொடுப்போம்.
3. தூய ஆவியின் வருகையைத் தியானித்து
அமைதிக்கான பேச்சு வார்த்தைகள் மூலம் ரஷ்ய-உக்ரைன் யுத்தம் நிரந்தரமாக முடிவுக்கு வர இந்த மூன்றாவது 10 மணியை ஒப்புக் கொடுப்போம்.
4. தேவ மாதாவின் விண்ணேற்றத்தைத் தியானித்து,
உலக ஆயர்கள் மாமன்றமானது திருஅவையின் மறுமலர்ச்சிக்காக தற்போது பொது நிலையினரின் மதிப்புள்ள பரிந்துரைகளை நாடுகிறது.
இவ்விடயத்தில் திருஅவையின் எல்லா நிலைகளிலும் தூய ஆவியானவரின் தூண்டுதல் நன்கு செயல்பட வேண்டி இந்த நான்காவது 10 மணியை ஒப்புக் கொடுப்போம்.
5. தேவமாதா விண்ணக மண்ணக அரசியாக மணிமுடி சூட்டப்பட்டதைத் தியானித்து,
இறைவனுக்காக தங்கள் வாழ்வை முழுமையாக அர்ப்பணித்து இறைப்பணியில் தங்களை முற்றிலும் ஈடுபடுத்திக் கொண்ட அனைத்து குருக்கள், கன்னியர்கள் மற்றும் அருட்சகோதரர்களின் ஆன்ம, சரீர நலன்களுக்காக இந்த ஐந்தாவது 10 மணியை ஒப்புக் கொடுப்போம்.
Comments are closed.