திருத்தந்தை பதினான்காம் லியோ அவர்கள் பிரான்சுக்கு மேற்கொண்ட திருத்தூதுப் பயணத்தின் ஒரு பகுதியாக, லூர்து அன்னையின் திருத்தலத்தில் உள்ள மசபியேல் காட்சிக் குகையில் இறைவேண்டல் செய்தார்.
பிரான்சு நாட்டிற்காகவும் அதன் மக்களுக்காகவும் சிறப்பாக செபித்தார். புனித பெர்னதெத்திடம் மரியா வழங்கிய இறைவேண்டல், மனமாற்றம் மற்றும் நம்பிக்கை என்ற செய்தியை நினைவுகூர்ந்த அவர், லூர்து அன்னையின் பாதுகாப்பையும் பரிந்துரையையும் வேண்டினார்.
வன்முறை மற்றும் வெறுப்பு அகன்று, அனைவரும் உழைத்து, குடும்ப வாழ்க்கையை முன்னெடுத்து, அமைதியுடனும் நிறைவுடனும் வாழக்கூடிய நல்லிணக்கச் சமூகத்தை பிரான்சில் கட்டியெழுப்ப அருள் வழங்குமாறு இறைவேண்டல் செய்த திருத்தந்தை, குறிப்பாக ஏழைகள் மற்றும் மிகவும் நலிந்தவர்கள் பாதுகாக்கப்பட வேண்டும் என்றும் செபித்தார்.
