நம் காயங்களைக் குணப்படுத்தும் இயேசுவின் திரு இருதயம்
இயேசுவின் திருஇருதயத்திலிருந்து வழிந்தோடும் வாழ்வளிக்கும் நீரின் ஆறுகள், நாம் அனுபவிக்கும் காயங்களிலிருந்து நம்மைக் குணப்படுத்த நம்மை நோக்கிப் பாய்கின்றன என்றும், இதனால் நாம் ஒரு நீதியான, ஒன்றுபட்ட மற்றும் உடன் பிறந்த உணர்வு கொண்ட உலகத்தை நோக்கி நடக்க முடியும் என்றும் எடுத்துரைத்துள்ளார் திருத்தந்தை 14-ஆம் லியோ.
ஜூன் 27, வெள்ளிக்கிழமை பிரான்சில் உள்ள Santuario di Paray-le-Monial என்னும் திருத்தலத்தில், புனித Margherita Maria Alacoque அவர்களுக்கு திருஇருதய ஆண்டவராம் இயேசு காட்சியளித்ததன் 350-ஆவது ஆண்டு சிறப்பிக்க இருப்பதை முன்னிட்டு ஜூன் 21, சனிக்கிழமை, Ajaccio மறைமாவட்ட ஆயரான கர்தினால் François Bustillo, O.F.M. அவர்களுக்கு அனுப்பியுள்ள வாழ்த்துச் செய்தியில் இவ்வாறு தெரிவித்துள்ளார் திருத்தந்தை 14-ஆம் லியோ.
உலகம் முழுவதும் உள்ள கிறிஸ்தவ மக்கள் இயேசுவின் திரு இதயத்தின் மேல் அளவற்ற அன்பு கொண்டு அந்த அன்பினால் ஈர்க்கப்படுகிறார்கள் என்றும், முழுமையான நம்பிக்கையின் உதவியுடன், இறைவனுடனான ஐக்கியத்தை அடையும் வரை கிறிஸ்துவுடன் இணக்கமாக அவர்களால் வளர முடியும் என்றும் எடுத்துரைத்தார் திருத்தந்தை 14-ஆம் லியோ.
இயேசுவின் திருஇதய பக்தியின் பாதுகாவலரான Ajaccio மறைமாவட்டத்தில் உள்ள துறவற இல்லத்தில் புனித மார்கரேட் அவர்களுக்கு 1673 ஆம் ஆண்டு டிசம்பர் முதல் 1675 ஆம் ஆண்டு ஜூன் வரை திருஇருதய ஆண்டவர் காட்சியளித்து கூறிய வார்த்தைகள் இன்றும் கிறிஸ்தவ மக்களை நம்பிக்கையில் வளர்த்துள்ளன என்றும் குறிப்பிட்டுள்ளார் திருத்தந்தை.
Comments are closed.