கிறிஸ்தவ சமூகம் தொலைநோக்கு பார்வையுடன் இருப்பது முக்கியம்
இன்றைய உலகின் சவால்களைப் புரிந்துகொள்வதிலும், ஒவ்வொருவரின் இதயத்தில் இருக்கும் நம்பிக்கைக்கான விருப்பத்தை வளர்ப்பதிலும், கிறிஸ்தவ சமூகம் தொலைநோக்குப் பார்வையுடன் இருப்பது முக்கியம் என்றும், பல்வேறு காரணங்களுக்காக, ஆன்மிக ரீதியாக நம்மிடமிருந்து மிகவும் தொலைவில் உள்ள குடும்பங்களுக்கு சிறப்பு கவனம் செலுத்தப்பட வேண்டும் என்றும் எடுத்துரைத்துள்ளார் திருத்தந்தை 14-ஆம் லியோ.
ஜூன் 2, திங்கள்கிழமை “இன்றைய மற்றும் எதிர்கால குடும்பங்களுடன் நற்செய்தியை அறிவித்தல், திருஅவையியல் மற்றும் மேய்ப்புப்பணி சவால்கள்” என்ற தலைப்பில் பொதுநிலையினர், குடும்பம், மற்றும் வாழ்வு திருப்பீடத் துறையால் ஏற்பாடு செய்யப்பட்டிருந்த கருத்தரங்கில் பங்கேற்றவர்களுக்கு அனுப்பியுள்ள செய்தியில் இவ்வாறு தெரிவித்துள்ளார் திருத்தந்தை 14-ஆம் லியோ.
இந்த கருப்பொருளானது திருஅவையின் தாயன்பு கிறிஸ்தவ குடும்பங்கள் வழியாக கிறிஸ்துவின் மறைபொருளாம் உடலின் உயிருள்ள உறுப்பினர்களாக இருக்கும் உலக மக்களுக்கு வழங்கப்படுகின்றது என்பதை எடுத்துரைக்கின்றது என்றும், இம்மக்களே திருஅவையின் முதன்மையாகவும், இவர்களிடமே புதிய தலைமுறையினருக்கு நம்பிக்கையையும், நற்செய்தியையும் பரப்புவதையும் இறைவன் ஒப்படைக்கிறார் என்றும் அச்செய்தியில் குறிப்பிட்டுள்ளார் திருத்தந்தை.
Comments are closed.