திருத்தந்தையைச் சந்தித்த 94 வயது அருள்சகோதரி பிரன்செஸ்கா

திருத்தந்தை பிரான்சிஸ் அவர்களைச் சந்தித்தது, எதிர்பாராத மகிழ்ச்சியினைத் தனக்கு அளித்ததாகவும், நாம் ஒரு காரியத்தைக் கடவுளிடம் கேட்கும்பொழுது அவர் அதனை நமக்கு கட்டாயம் நிறைவேற்றித்தருவார் என்றும் கூறினார் அருள்சகோதரி பிரன்சேஸ்கா பத்திலோரோ (Francesca Battiloro)

ஏப்ரல் 6 ஞாயிற்றுக்கிழமை நோயாளர்களுக்கான யூபிலியில் பங்கேற்பதற்காக நேப்பிள்ஸ் பகுதியிலிருந்து வத்திக்கான் வந்திருந்த 94 வயது அருள்சகோதரி பிரன்சேஸ்கா பத்திலோரோ அவர்கள், வத்திக்கான் தூய பேதுரு பெருங்கோவிலினுள் திருத்தந்தையை சந்தித்து உரையாடியது பற்றி வத்திக்கான் செய்திகளிடத்தில் இவ்வாறு பகிர்ந்துகொண்டார்.

வத்திக்கான் வளாகத்தில் திருப்பயணிகளைச் சந்திப்பதற்கான பெருங்கோவில் வழியாக வந்த திருத்தந்தையை, எதிர்பாராத விதமாகத் தான் சந்தித்ததாக எடுத்துரைத்த அருள்சகோதரி அவர்கள், “நான் கடவுளைச் சந்திக்குபடிக் கேட்டிருந்தேன் ஆனால் அவர் எனக்கு அந்த வாய்ப்பை அளிக்கவில்லை” என்று நகைச்சுவை உணர்வுடன் திருத்தந்தை தனக்கு பதில் அளித்ததாகவும் பகிர்ந்துகொண்டார்.     

தனது கரங்களைப் பிடித்து நேப்பிள்ஸிலிருந்து வந்திருக்கும் அருள்சகோதரி நீங்கள் தானா என்று திருத்தந்தை தன்னைப் பார்த்து கேட்டதாகக் கூறிய அருள்சகோதரி அவர்கள், திருத்தந்தையைச் சந்திக்க அனுமதி கேட்டபோது அவரது உடல்நிலை கருதி அவ்வாய்ப்ப்பு கிடைக்கவில்லை என்றும், ஆனால் கடவுள், திருத்தந்தையே வந்து தன்னை சந்திக்கும்படி வாய்ப்பளித்தார் என்றும் எடுத்துரைத்தார்.

Comments are closed.