செப்டம்பர் 30 : நற்செய்தி வாசகம்
உங்கள் எல்லாரிலும் சிறியவரே பெரியவர் ஆவார்
உங்கள் எல்லாரிலும் சிறியவரே பெரியவர் ஆவார்.
✠ லூக்கா எழுதிய நற்செய்தியிலிருந்து வாசகம் 9: 46-50
தங்களுக்குள் பெரியவர் யார் என்ற விவாதம் சீடர்களிடையே எழுந்தது. இயேசு அவர்களின் எண்ணங்களை அறிந்து ஒரு சிறுபிள்ளையை எடுத்து, தம் அருகே நிறுத்தி, அவர்களிடம், “இச்சிறு பிள்ளையை என் பெயரால் ஏற்றுக்கொள்பவர் எவரும் என்னையே ஏற்றுக்கொள்கிறார். என்னை ஏற்றுக்கொள்பவர் என்னை அனுப்பினவரையே ஏற்றுக்கொள்கிறார். உங்கள் எல்லாரிலும் சிறியவரே பெரியவர் ஆவார்” என்றார்.
யோவான் இயேசுவைப் பார்த்து, “ஆண்டவரே, ஒருவர் உமது பெயரால் பேய் ஓட்டுவதைக் கண்டு, நாங்கள் அவரைத் தடுக்கப்பார்த்தோம்; ஏனெனில் அவர் நம்மைச் சாராதவர்” என்றார்.
இயேசு அவரை நோக்கி, “தடுக்க வேண்டாம்; ஏனெனில் நமக்கு எதிராக இராதவர் நம் சார்பாக இருக்கிறார்” என்றார்.
ஆண்டவரின் அருள்வாக்கு.
“ஒரு சிறு பிள்ளையை எடுத்து…”
பொதுக் காலத்தின் இருபத்து ஆறாம் வாரம் திங்கட்கிழமை
I யோபு 1: 6-22
II லூக்கா 9: 46-50
“ஒரு சிறு பிள்ளையை எடுத்து…”
கடவுளைப் பற்றி ஒரு சிறுவனின் புரிதல்:
சிறுவர்களுக்கான பள்ளி அது. அந்தப் பள்ளியில் மூன்றாம் வகுப்பு படித்துக்கொண்ருந்த மாணவர்களிடம் வகுப்பு ஆசிரியர், “கடவுளைப் பற்றிய உங்களுடைய புரிதல் என்ன என்பதைப் பத்து வரிகளுக்கு மிகாமல் எழுதுங்கள்” என்றார். உடனே மாணவர்கள் கடவுளைப் பற்றிய தங்களது புரிதலை எழுதத் தொடங்கினார்கள்.