மகிழ்ச்சி நிறை மறையுண்மைகள்.
1. தேவமாதாவுக்கு கபிரியல் அதிதூதர் காட்சி அளித்து மங்கள வார்த்தை சொன்னதைத் தியானித்து,
இன்றையத் திருப்பலி முதல் வாசகம் எடுக்கப்பட்ட திருத்தூதர் பணிகள் நூலில்,
“நாங்கள் கண்டதையும், கேட்டதையும் எடுத்துரைக்காமலிருக்க எங்களால் முடியாது” என புனித பேதுருவும் , புனித யோவானும் கூறுகின்றனர்.
“நற்செய்தியை அறிவிக்கவேண்டிய கட்டாயம் ஒவ்வொருவருக்கும் உண்டு.” (1 கொரி. 9: 16) என புனித பவுல் கூறியதை நாம் உணர்ந்து அதை நிறைவேற்ற இந்த முதல் 10 மணியை ஒப்புக் கொடுப்போம்.
2. தேவமாதா எலிசபெத்து அம்மாளை சந்தித்ததைத் தியானித்து,
இன்றையத் திருப்பலி நற்செய்தி வாசகத்தில், “உலகெங்கும் சென்று நற்செய்தியைப் பறைசாற்றுங்கள்.” என நமதாண்டவர் இயேசு கூறுகிறார்.
நற்செய்தி அறிவிப்பு என்கிற இறைப்பணி குருக்களுக்கு மட்டும் உரியது அல்ல மாறாக அப்பணி இயேசுவினால் நம் எல்லோருக்கும் கொடுக்கப்பட்டது என்பதை உணர்ந்து அப்பணியை நாம் மனமுவந்து செய்திட இந்த இரண்டாவது 10 மணியை ஒப்புக் கொடுப்போம்.
3. குழந்தை இயேசு பிறந்ததைத் தியானித்து,
விசுவாசம் என்னும் மார்புக் கவசத்தை அணிந்து கொண்டு அலகையின் தீமையை எதிர்த்து போராடிய புனித ஜார்ஜ் வழியாக சாத்தனுக்கு எதிராக போராடும் வல்லமையை நாம் இறைவனிடம் பெற வேண்டி இந்த மூன்றாவது 10 மணியை ஒப்புக் கொடுப்போம்.
4. குழந்தை இயேசுவை ஆலயத்தில் காணிக்கையாகக் கொடுத்ததைத் தியானித்து,
இந்தியாவில் சற்று அதிகரிக்கும் கொரோனா தொற்று மேலும் அதிகரிக்காமல் இருக்க வேண்டி இந்த நான்காவது 10 மணியை ஒப்புக் கொடுப்போம்.
5. காணமற் போன குழந்தை இயேசுவைக் கண்டு பிடித்ததைத் தியானித்து,
இந்த வாரம் முழுவதும் நம்மைக் காத்து வழி நடத்திய நம் தேவனுக்கு நன்றியாக இந்த ஐந்தாவது 10 மணியை ஒப்புக் கொடுப்போம்.
ஆமென்.
Comments are closed.