இறை மக்கள் குடும்பமாக இல்லங்களில் அமர்ந்து செபிக்க வேண்டிய இன்றைய செபமாலைக் கருத்துக்கள்

ஒளி நிறை மறையுண்மைகள்.
1. இயேசு யோர்தான் ஆற்றங்கரையில் திருமுழுக்குப் பெற்றதைத் தியானித்து,
*”எவற்றை எல்லாம் சொல்லக் கட்டளை இடுகின்றேனோ அவற்றைச் சொல்.”*(எரே. 1: 7)-ல் ஆண்டவர் கூறுகின்றார்.
இன்றைய திருப்பலி முதல் வாசகத்தில் நாம் வாசித்தது போல நான் அனைவரும் பிறருக்கு இறைவார்த்தையை எடுத்துரைக்கும் சிறந்த கருவிகளாக விளங்க இந்த முதல் 10 மணியை ஒப்புக் கொடுப்போம்.
2. இயேசு கானாவூர் திருமணத்தில் தண்ணீரைத் திராட்சை இரசமாக மாற்றியதைத் தியானித்து,
இயேசு தம் சீடர்களுக்கு இறைவனிடம் வேண்டக் கற்றுக்கொடுத்தது போன்று, எல்லாவற்றையும் நமக்குக் கற்றுத்தருகின்றார்.
கடவுள் நமக்குக் கற்றுத்தருவதை பிறருக்கு நாம் கற்றுத்தரும்போதுதான் கற்பது முழுமைபெறுகின்றது என்பதை உணர்ந்து செயல்பட இந்த இரண்டாவது 10 மணியை ஒப்புக் கொடுப்போம்.
3. இயேசு இறையாட்சி அறிவித்ததைத் தியானித்து,
கொரோனா தொற்றுக் கொண்டவர்களுக்கு தேவையான மருந்து, ஆக்ஸிஜன் மற்றும் தேவையான மருத்துவ சிகிச்சைகள் அனைத்தும் குறைவின்றிக் கிடைத்திட இந்த மூன்றாவது 10 மணியை ஒப்புக் கொடுப்போம்.
4. இயேசு தாபோர் மலையில் உருமாற்றம் அடைந்ததைத் தியானித்து,
இந்தியாவில் மிக வேகமாகப் பரவிவரும் கொரோனா தொற்றின் இரண்டாவது அலை கட்டுக்குள் வர வேண்டி இந்த நான்காவது 10 மணியை ஒப்புக் கொடுப்போம்.
5. இயேசு இராவுணவின் போது நற்கருணையை ஏற்படுத்தியதைத் தியானித்து,
பொது மக்களிடையே கொரோனா தொற்றுத் தடுப்பூசியை பற்றிய அச்சம் அகன்று அவற்றை எடுத்துக் கொள்ள வேண்டிய துணிவினை மக்களுக்கு இறைவன் அளித்திட வேண்டி இந்த ஐந்தாவது 10 மணியை ஒப்புக் கொடுப்போம்.

Comments are closed.