இறை மக்கள் குடும்பமாக இல்லங்களில் அமர்ந்து செபிக்க வேண்டிய இன்றைய செபமாலைக் கருத்துக்கள்
துயர்நிறை மறையுண்மைகள்.
1. கெத்சமணித் தோட்டத்தில் இயேசு இரத்த வியர்வை வியர்த்ததைத் தியானித்து,
நாம் புனித யோசேப்பின் விழாவினைக் கொண்டாடும் இன்று, திருக்குடும்பத்தின் தலைவரான புனித யோசேப்பைப் போல ஒவ்வொரு குடும்பத் தலைவர்களும் நல்ல கணவர்களாக , நல்ல தந்தையர்களாக விளங்கிட இந்த முதல் 10 மணியை ஒப்புக் கொடுப்போம்.
2. இயேசு கற்றூணில் கட்டப்பட்டு அடிக்கப்பட்டதைத் தியானித்து,
புனித யோசேப்பைப் போல நாம் ஒவ்வொருவரும் நேர்மையாளர்களாகவும், ஆண்டவர் திட்டத்தை ஏற்றுக்கொள்ளும் சிறந்த ஆண்டவரின் பிள்ளைகளாகவும் விளங்கிட இந்த இரண்டாவது 10 மணியை ஒப்புக் கொடுப்போம்.
3. இயேசுவுக்கு முள்முடி சூட்டப்பட்டதைத் தியானித்து,
இன்றைய திருப்பலி இரண்டாம் வாசகத்தில்,
“எதிர்நோக்குக்கு இடம் இல்லாதது போல் தோன்றினும், அவர் எதிர்நோக்கினார்;: என ஆபிரகாமைப் பற்றி வாசிக்கின்றோம்.
நமது வாழ்விலும் சில நல்ல நிகழ்வுகள் நடக்க வாய்ப்பே இல்லாமல் இருந்தாலும் இறைவனிடம் வேண்டி நடக்கும் என முழுமையாக உறுதியாக விசுவசிப்போம். ஆபிரகாமைப்போல எதிர்நோக்குவோம். ஆண்டவர் நமது எண்ணங்களை நிறைவேற்ற வேண்டி இந்த மூன்றாவது 10 மணியை ஒப்புக் கொடுப்போம்.
4. இயேசு சிலுவை சுமந்ததைத் தியானித்து,
வெள்ளிக் கிழமையான இன்று நமது செபம், தபம் மற்றும் அன்றாட அலுவல்கள் அனைத்தையும் நமது திருஇருதயாண்டவரின் மாசற்ற திருஇருதயத்துக்கு ஒப்புக்கொடுக்க இந்த நான்காவது 10 மணியை ஒப்புக் கொடுப்போம்.
5. இயேசு சிலுவையில் அறையப்பட்டு உயிர் துறந்ததைத் தியானித்து,
நோய்த் தொற்றினாலும், விபத்துக்களினாலும் மற்றும் பல்வேறு காரணங்களினாலும் உயிரிழந்த அனைத்து ஆன்மாக்களுக்கும் இறைவன் நித்திய இளைப்பாற்றியை அளித்திட வேண்டி இந்த ஐந்தாவது 10 மணியை ஒப்புக் கொடுப்போம்.
Comments are closed.