இறை மக்கள் குடும்பமாக இல்லங்களில் அமர்ந்து செபிக்க வேண்டிய இன்றைய செபமாலைக் கருத்துக்கள்
மகிமை நிறை மறையுண்மைகள்.
1. இயேசு உயிர்த்தெழுந்ததைத் தியானித்து,
இன்றைய ஞாயிறு திருப்பலி இரண்டாம் வாசகத்தில்,
“நீங்கள் உண்டாலும் குடித்தாலும் எதைச் செய்தாலும், எல்லாவற்றையும் கடவுளுடைய மாட்சிக்காகவே செய்யுங்கள். ” என புனித பவுலடியார் கூறுகிறார்.
நம்முடைய செயல்கள் அனைத்தும் கடவுளின் மாட்சிமைக்காக மட்டும் இருக்க இந்த முதல் 10 மணியை ஒப்புக் கொடுப்போம்.
2. இயேசுவின் விண்ணேற்றத்தினைத் தியானித்து,
“நான் கிறிஸ்துவைப்போல் நடப்பதுபோன்று நீங்களும் என்னைப்போல் நடங்கள்.” என புனித பவுல் கூறுகிறார்.
கிறிஸ்துவே நமக்கு எல்லாவற்றிலும் முன் மாதிரி என்பதை உணர்ந்து கிறிஸ்துவைப் போல நம் வாழ்க்கையில் நடந்திட இந்த இரண்டாவது 10 மணியை ஒப்புக் கொடுப்போம்.
3. தூய ஆவியின் வருகையைத் தியானித்து,
இன்றைய திருப்பலி நற்செய்தி வாசகத்தில், ““நான் விரும்புகிறேன், உமது நோய் நீங்குக!”* என்று நமதாண்டவர் இயேசு கூறுகிறார்.
நோயுற்ற அனைவரையும் இயேசு தொட்டு குணமாக்கிட வேண்டி இந்த மூன்றாவது 10 மணியை ஒப்புக் கொடுப்போம்.
4. தேவ மாதாவின் விண்ணேற்றத்தைத் தியானித்து,
இன்று ஞாயிறு திருப்பலியில் பங்கேற்க இயலாமலும், இறைவனின் திருவுடலை வாங்க இயலாமல் இருப்பவர்களுக்காகவும் இந்த நான்காவது 10 மணியை ஒப்புக் கொடுப்போம்.
5. தேவமாதா விண்ணக மண்ணக அரசியாக மணிமுடி சூட்டப்பட்டதைத் தியானித்து,
பல மாதங்களாக ஒப்புரவு அருட்சாதனங்கள் இல்லாமல் தவிக்கும் அனைத்து கத்தோலிக்கர்களுக்கும் கூடிய விரைவில் ஒப்புரவு அருட்சாதனம் கிடைத்திட வேண்டி இந்த ஐந்தாவது 10 மணியை ஒப்புக் கொடுப்போம்.
ஆமென்.