மதுபோதையில் இரவு இருந்தேன் அப்போது விரக்தியில் அறியாமல் திருச்சுருபங்களை சேதப்படுத்தினேன் – சந்தேகநபர் வாக்குமூலம்
பிள்ளை கிடைக்காத விரக்தியிலேயே ஆனைக்கோட்டையில் மாதா சிலைகளை சேதப்படுத்தியதாக கைதான நபர் தெரிவித்துள்ளார்.
யாழ்ப்பாணம் – மானிப்பாய் பொலிஸ் பிரிவில் ஆறுக்கு மேற்பட்ட இடங்களில் மாதா சிலைகள் நேற்று அதிகாலையில் சேதப்படுத்தப்பட்டிருந்தன.
குறித்த சம்பவம் தொடர்பில் 32 வயதான ஒருவர் சந்தேகத்தின் அடிப்படையில் கைதாகியிருந்தார்.
அவர் சைவ சமயத்தை சேர்ந்தவர். மனைவி கிறிஸ்தவர். இருவரும் திருமணம் செய்து சில வருடங்களாகி பிள்ளைகள் கிடைக்காத விரக்தியில் இருந்ததாக தெரிவித்துள்ளார்.
“பிள்ளை வேண்டுமென மாதவிடம் நேர்த்தி வைத்தேன். பிள்ளை கிடைக்காத விரக்தியில் இருந்தேன். இதனால் மாதா சிலைகளை சேதப்படுத்தினேன்“ என தெரிவித்துள்ளார்.