இறை மக்கள் குடும்பமாக இல்லங்களில் அமர்ந்து செபிக்க வேண்டிய இன்றைய செபமாலைக் கருத்துக்கள்
துயர்நிறை மறையுண்மைகள்.
1. கெத்சமணித் தோட்டத்தில் இயேசு இரத்த வியர்வை வியர்த்ததைத் தியானித்து,
இன்றைய திருப்பலி முதல் வாசகத்தில்,
“அந்நாள்களில் நம்பிக்கை கொண்ட மக்கள் அனைவரும் ஒரே உள்ளமும் ஒரே உயிருமாய் இருந்தனர்.” என திருத்தூதர் பணிகள் நூலில் வாசிக்கின்றோம்.
கிறிஸ்தவர்களை பிரிக்கக்கூடிய சாதி, இன, மொழி பாகுபடுகளை நாம் அனைவரும் களைந்து ஒரே மக்களாய் வாழ இந்த முதல் 10 மணியை ஒப்புக் கொடுப்போம்.
2. இயேசு கற்றூணில் கட்டப்பட்டு அடிக்கப்பட்டதைத் தியானித்து,
அதே முதல் வாசகம் எடுக்கப்பட்ட திருத்தூதர் பணிகள் எடுக்கப்பட்ட நூலில், “தேவையில் உழல்வோர் எவரும் அவர்களுள் காணப்படவில்லை.” என வாசிக்கின்றோம்.
நமது பங்கில், நமது அன்பியத்தில் தேவையில் இருக்கும் குடும்பங்களை கண்டுணர்ந்து அவர்களது தேவையை நாம் பூர்த்தி செய்திட இந்த இரண்டாவது 10 மணியை ஒப்புக் கொடுப்போம்.
3. இயேசுவுக்கு முள்முடி சூட்டப்பட்டதைத் தியானித்து,
மறைசாட்சியாக மரித்த கடைசி திருத்தந்தையரும், இன்றைய புனிதருமான முதலாம் மார்டினை திருச்சபைக்கு தந்த இறைவனுக்கு நன்றியாக இந்த மூன்றாவது 10 மணியை ஒப்புக் கொடுப்போம்.
4. இயேசு சிலுவை சுமந்ததைத் தியானித்து,
இந்தியாவிலும், பிற நாடுகளிலும் மறுபடியும் வேகமாகப் பரவிவரும் கொரோனா தொற்று கட்டுக்குள் வரவேண்டி இந்த நான்காவது 10 மணியை ஒப்புக் கொடுப்போம்.
5. இயேசு சிலுவையில் அறையப்பட்டு உயிர் துறந்ததைத் தியானித்து,
அந்தோணியாருக்கு ஒப்புக் கொடுக்கப்பட்ட செவ்வாய் கிழமையான இன்று குடும்பங்களில் தீய ஆவியின் தொல்லைகள் நீங்க இந்த ஐந்தாவது 10 மணியை ஒப்புக் கொடுப்போம்.