இறை மக்கள் குடும்பமாக இல்லங்களில் அமர்ந்து செபிக்க வேண்டிய இன்றைய செபமாலை
மகிழ்ச்சி நிறை மறையுண்மைகள்.
1. தேவமாதாவுக்கு கபிரியல் அதிதூதர் காட்சி அளித்து மங்கள வார்த்தை சொன்னதைத் தியானித்து,
இன்றைய திருப்பலி முதல் வாசகத்தில்,
“நீங்கள் இனி ஒருபோதும் அழமாட்டீர்கள்; அவர் உங்கள்மேல் திண்ணமாய் அருள்கூர்வார். நீங்கள் கூப்பிடும் குரலுக்குச் செவிசாய்த்து உங்களுக்கு மறுமொழி அளிப்பார்.” என இறைவாக்கினர் எசாயா கூறுகிறார். தங்களது வாழ்க்கையில் பல துன்பங்களை எதிர் கொள்ளும் எண்ணற்றவர்களின் கண்ணீரை இறைவன் கண்ணுற்று அவர்களது கண்ணீரைத் துடைத்திட வேண்டி இந்த முதல் 10 மணியை ஒப்புக் கொடுப்போம்.
2. தேவமாதா எலிசபெத்து அம்மாளை சந்தித்ததைத் தியானித்து,
இன்றைய திருப்பலி பதிலுரைப்பாடல் திருப்பாடல் 147:3,
“உடைந்த உள்ளத்தோரைக் குணப்படுத்துகின்றார்; அவர்களின் காயங்களைக் கட்டுகின்றார்.” என கூறுகிறது.
உடைந்த உள்ளங்கள் அருகில் ஆண்டவர் இருந்து அவர்களுக்கு ஆறுதல் அளித்திட இந்த இரண்டாவது 10 மணியை ஒப்புக் கொடுப்போம்.
3. குழந்தை இயேசு பிறந்ததைத் தியானித்து,
திருவருகைக் காலத்தை எதிர் கொள்ள இருக்கும் நாம், நமது உள்ளத்திலும் இல்லத்திலும் இயேசு பாலன் பிறந்திட நம்மை முழுமையாக தயார்படுத்திட இந்த மூன்றாவது 10 மணியை ஒப்புக் கொடுப்போம.
4. குழந்தை இயேசுவை ஆலயத்தில் காணிக்கையாகக் கொடுத்ததைத் தியானித்து
இந்த ஆண்டில் 12 மாதங்களும் பல நெருக்கடியான நேரங்களில் ஆண்டவர் நம்மோடு இருந்து நம்மை காத்து வழிநடத்தியதற்கு நன்றியாக இந்த நான்காவது 10 மணியை ஒப்புக் கொடுப்போம்.
5. காணமற் போன குழந்தை இயேசுவைக் கண்டு பிடித்ததைத் தியானித்து,
தற்போது கொரோனா தொற்று பரவுதல் குறைந்து வருவதற்கும், தொற்றினால் ஏற்ப்பட்ட உயிரிழப்புகள் குறைந்து வருவதற்கும் நன்றியாக இந்த ஐந்தாவது 10 மணியை ஒப்புக் கொடுப்போம்.
ஆமென்.